Қырғызстанда бес партияның жетекшілері қайта сайлау өткізуді талап етуде

Қырғызстандағы бес саяси партия биліктен ел парламенті сайлауының қорытындысын жоюды талап етті, деп хабарлайды 24.kg.

«Ата Мекен», «Реформа», «Социал-демократтар», «Азаттық», «Улуттар биримдиги» партияларының өкілдері сайлау науқаны барысында заң бұзушылықтар, сондай-ақ нәтижелерді есептеу кезінде бұрмаланған фактілер туралы хабарлады. Олар республика министрлер кабинетінің тез арада отставкаға кетуін талап етуде.

 «Бұл сайлауды жарамсыз деп тану керек, әйтпесе халықаралық аренада өзімізді масқара қыламыз», – деді «Ұлуттар бірлігі» партиясының жетекшісі Мелис Мырзакматов.

«Кабар» агенттігінің хабарлауынша, Шанхай ынтымақтастық ұйымының (ШЫҰ) байқаушылар миссиясы Жогорку Кенеш депутаттарының өткен сайлауын ашық, сенімді және демократиялық деп таныды.

Дегенмен, республиканың Ішкі істер министрлігі заң бұзушылықтар туралы хабарлады. Ведомствоның мәліметінше, барлығы 126 факті тіркелген. Мәселен, ішкі істер органдарына сайлау күні үгіт-насихат жүргізу туралы 36, дауыстарды сатып алу бойынша 38, халықты жаппай тасымалдау бойынша 19, жалған ақпарат тарату бойынша 1, әкімшілік ресурсты пайдалану 2, электр қуатын өшіру 1, 1 жалақыны ұстап қалу бойынша хабарлама түсті.