Қазірдің өзінде 57 елде коронавирустың жаңа штаммы анықталды, деп жазады ТАСС Дүниежүзілік денсаулық сақтау ұйымының хабарламасына сілтеме жасап.
Омикрон штаммының болуы ДДҰ-ның барлық алты аймағынан хабарланды.
Сарапшылар Оңтүстік Африка елдерінде коронавирустық инфекцияны жұқтырғандар санының қарқынды өсіп келе жатқанына назар аударды. Сарапшылардың пікірінше, аймақта омикронның таралуы, сондай-ақ ДДҰ алаңдаушылық тудыратын нұсқа ретінде жіктелгеннен кейін халықты коронавирусқа тестілеудің жоғарылауы рөл атқарды.
«Алдын ала талдаулар омикрондық нұсқада кездесетін мутациялар антиденелердің бейтараптандыру белсенділігін төмендетуі мүмкін екенін көрсетеді, бұл табиғи иммунитеттен қорғаныстың төмендеуіне әкеледі», – деді ДДҰ.
ЕО-ның 18 елінде анықталған осы штамммен жұқтырудың 212 жағдайы туралы ақпаратқа сілтеме жасай отырып, сарапшылар аурудың жеңіл немесе симптомсыз екенін атап өтті.
