Қырғызстан ПТР тестінің жарамдылығы 48 сағатқа дейін қысқартпақ
Денсаулық сақтау министрлігіне мемлекеттік шекараны кесіп өтетіндердің ПТР тестілеуден өту уақытын келуге дейін 72 сағаттан 48 сағатқа дейін қысқарту мәселесін қарау тапсырылды. Мұндай шешім коронавирустық инфекцияға қарсы күрес жөніндегі жедел штабтың отырысында қабылданды. Бұл туралы 24.kg сайты хабарлады.
Министрлер кабинеті төрағасының орынбасары Еділ Байсалов жаңа COVID-19 штаммының әкелінуіне және таралуына жол бермеу шараларын күшейтуді тапсырды. Ол министрлер кабинетінің мемлекеттік шекараларды жабуға қарсы екенін, бірақ алдын алу шараларын күшейту керектігін баса айтты.
Ресейде 8 желтоқсаннан бастап коронавирусқа арналған ПТР тестінің жарамдылық мерзімі 72 сағаттан 48 сағатқа дейін қысқарды. Бұл бас мемлекеттік санитарлық дәрігер, Роспотребнадзор басшысы Анна Попованың қаулысына сәйкес. Қырғызстанның қалған көршілері мұндай шектеулерді әлі енгізген жоқ. Онда елге кірген кезде коронавирусқа ПТР тестінің жарамдылық мерзімі 72 сағатты құрауы мүмкін.
