Шетелде жүрген ҚР азаматтары төлқұжатын қалай рәсімдей алады

Егер сіз шетелде оқып жатсаңыз, жұмыс істесеңіз немесе тұрып жатсаңыз және сізге ҚР азаматының төлқұжатын алу/ауыстыру қажет болса, оған бола Қазақстанға қайтудың қажеті жоқ. Бұл туралы ШҚО ПД баспасөз қызметі хабарлады.

Ол үшін сол елдегі ҚР елшілігіне немесе консулдығына хабарласып, келесі құжаттарды ұсынсаңыз болғаны:

– өтініш;

– жеке басын куәландыратын құжат:

– төлқұжатты ауыстыру үшін – ҚР азаматының төлқұжаты;

– 16 жасқа толмаған болса – туу туралы куәлік, ата-анасының бірінің жеке басын куәландыратын құжаты мен екіншісінің нотариалды рұқсаты;

– өлшемі 3,5х4,5 түрлі-түсті 4 фотосурет;

– шетелде тұрақты тұру, оқу, шетелде жұмыс істеу, отбасы жағдайы, денсаулық фактісін растайтын құжат (түпнұсқа және көшірме);

– консулдық төлем түбіртегі.

Қызмет көрсету мерзімі – 80 күнтізбелік күн.