Aport Mall шабуылдардан кейін қайта ашылатынын хабарлады
Eurasia Red Aport Mall жалға алушылардың 90%-дан астамы бірқатар қарулы шабуылдардан кейін қалпына келтіру жұмыстарын аяқтап, қайта ашуға дайын екенін хабарлады. Осыған байланысты сауда орталығы 15 қаңтарда жұмысын жалғастырады. Тонаушылардың әрекетінен көп зардап шеккен дүкендер осы айдың соңына дейін жұмыс істейді.
«Қазір біздің жалға алушылар мен «Апорт» сауда орталығының ұжымы соңғы жұмыстарды жүргізіп жатыр, біз осы аптаның соңына дейін аша аламыз», – деді Дмитрий Ревин.
Төтенше жағдай кезінде сауда орталығы қысқартылған кесте бойынша сағат 10.00-ден 20.00-ге дейін жұмыс істейді.
Сонымен қатар, төтенше жағдай кезінде жалға алушылардан жалдау ақысы алынбайды.
Қазіргі уақытта Eurasia Red мамандары зардап шеккен дүкендерге қолдау шараларын әзірлеуге және сақтандыру компанияларына, «ДАМУ» кәсіпкерлікті дамыту қорына және «Атамекен» Ұлттық кәсіпкерлер палатасына келтірілген шығынды өтеу туралы талап-арыз беруде көмек көрсетуде. Дегенмен, кәсіпкерлер әлі де жауапты мемлекеттік органдардың залалды құжаттау рәсімдерін әзірлеудің аяқталуын күтіп отыр.
«Біз стандартты жұмысқа мүмкіндігінше тезірек оралуға бел будық. Қалыптасқан жағдайға қарамастан, сауда орталығынан бірде-бір жалға алушы шыққан жоқ, оның үстіне кейбірі сауда орнын кеңейтуді көздеп отыр. Сонымен, 2022 жылдың көктемінде Decathlon француз брендінің спорт тауарларының бірінші гипермаркеті ашылады, сонымен қатар Алматыдағы бірінші LC Waikiki дүкенін кеңейту құрылысы да басталды. Біз Қазақстанға кіру және Алматыдағы екі Aport сауда орталығында ашу үшін бірқатар басқа халықаралық желілермен келіссөздерді жалғастырамыз », – деп қосты Дмитрий Ревин.
«Біз өте қиын кезеңді бастан өткердік, бірақ ел басшылығының келісілген іс-әрекетінің арқасында ең қиын кезең артта қалғанына сенімдіміз. Алда көп жұмыс бар, бірақ мен Қазақстан мен біз қиындықтарды бірге жеңіп, нығаятынымызға сенімдімін», – деді Eurasia Red бас директоры Ерлан Мұқашев.
