ЕО Ауғанстан халқына 260 миллион еуродан астам қаржы бөледі

Еуропалық Одақ Ауғанстан халқының өмірлік қажеттіліктері үшін 268,3 миллион еуроны құрайтын жобаларды іске қосты. Қаражат ел үкіметіне емес, БҰҰ-ның халықпен тікелей жұмыс істейтін агенттіктері арқылы жіберіледі. Бұл туралы Интерфакс хабарлады.

Жобаларға мемлекеттік мектептердегі мұғалімдерге көмек (194 000 мұғалімге екі қыс айына 90 еуро-дан), олардың қыздары мектепке барған жағдайда отбасыларға ақшалай аударымдар, оқушыларды үйге тамақтандыру, тестілеу жүйесін жақсарту, бақылау мен COVID-19-мен күресу үшін ауруханалардың жағдайын жақсарту кіреді.

Құны 15 миллион еуро болатын жоба 23 000 кәсіпкерге бизнесті дамыту үшін техникалық және қаржылық көмек алуға мүмкіндік береді.

Сонымен қатар, ЕО Ауғанстанның өзінде, сондай-ақ Иран, Пәкістан және Орталық Азия елдеріндегі ішкі босқындар мен мигранттар мәселесін шешу үшін жалпы сомасы 79 миллион еуроны құрайтын бес жобаны іске қосты.