Нәтижесінде кезекте тұрғандардың бір бөлігі пәтер алмаған
2021 жылдың қорытындысы бойынша Қарағанды облысында пайдаланылмаған бюджет қаражатының көлемі 10 млрд теңгеге жетті, деп хабарлады облыс әкімі Жеңіс Қасымбек.
Әкімнің айтуынша, тұрғын үй және инженерлік инфрақұрылым құрылысы дұрыс игерілмеуде. Бұл өткен жылы ондаған отбасының пәтер алмағанын аңғартады.
Жеңіс Қасымбек тұрақты түрде дамымай отырған бюджеттік бағдарламалар әкімшілерін қаржыландыруды қысқартуды тапсырды.
2021 жылы Қарағанды облысы бюджетінің кіріс бөлігінің орындалуы 551 млрд теңгені (оның ішінде меншікті кірістер – 255 млрд теңге), шығын – 563 млрд теңгені құрады.
