Комиссия жұмысының барлық кезеңінде кәсіпкерлердің 545 өтініші қанағаттандырылды
ШОБ субъектілеріне келтірілген мүліктік залалды анықтау жөніндегі облыстық комиссия жұмыстың барлық кезеңіне 996,4 млн теңгеге 545 өтінішті мақұлдады, деп хабарлайды Алматы қаласы Кәсіпкерлік басқармасының сайты.
Жалпы «Info Kazakhstan» сайтына қала кәсіпкерлерінен екі мыңға жуық өтініш келіп түскен.
13 ақпанда ШОБ субъектілеріне келтірілген мүліктік залалды анықтау жөніндегі өңірлік комиссия жалпы сомасы 351,5 млн теңгеге кәсіпкерлердің 183 өтінішін қанағаттандырды. Оның ішінде 218,7 млн теңгеге 111 өтініш бюджет есебінен, 132,8 млн теңгеге 72 өтініш «Жаңа Алатау» қайырымдылық қоры есебінен қаржыландырылады.
Комиссия жұмысының барлық кезеңінде 996,4 млн.теңгеге 545 өтінім мақұлданды, оның ішінде бюджеттен 431,1 млн.теңгеге 251 өтініш, «Жаңа Алатау» қорынан 565,3 млн.теңгеге 294 өтінім мақұлданды.
Бұған дейін «Атамекен» ҰКП тәртіпсіздіктерден зардап шеккен кәсіпкерлерге келтірілген шығынды өтеу механизмі туралы айтқан болатын.
