Министрлер Кабинетінің Төрағасы Ақылбек Жапаров Дүниежүзілік банктің Қырғызстандағы тұрақты кеңсесінің директоры Навид Хасан Наквимен кездесті. Бұл туралы 24.kg сайты министрлер кабинетінің баспасөз қызметі сілтеме жасап хабарлады.
Кездесу барысында ынтымақтастық пен өзара іс-қимылдың өзекті мәселелері талқыланды. Кабинет басшысы энергетика саласын қолдау және нығайту бойынша қабылданған қадамдар, жаңартылатын энергия көздері саласындағы жобаларды дамыту бастамалары туралы айтты. Ақылбек Жапаров денсаулық сақтау және білім беру салаларындағы реформалардың басымдылығын атап өтті.
«Дүниежүзілік банк – дамудың барлық негізгі бағыттары бойынша елімізге елеулі қолдау көрсететін стратегиялық серіктес. Біз өзара мүдделі салаларда тиімді өзара іс-қимылға жұмылдырылғанбыз», — деді Ақылбек Жапаров.
Өз кезегінде Навид Хасан Накви одан әрі жемісті ынтымақтастыққа дайын екенін білдірді. Кездесу барысында Digital CASA – Қырғыз Республикасы жобасын жүзеге асыру, энергетика саласын дамыту перспективалары бойынша көктемгі форумды ұйымдастыру және өткізу, Дүниежүзілік банктің алдағы көктемгі отырыстары, тұрғындарды вакцинациялау мәселелері талқыланды. Сондай-ақ тараптар Қырғызстан мен Дүниежүзілік банк арасындағы әріптестіктің 30 жылдығын мерекелеу, сондай-ақ әлеуметтік осал санаттағы отбасылардың үйлеріне күн батареяларын орнату жобасы аясындағы ынтымақтастық тақырыптарын қозғады.
