Польшада індетпен күресу үшін енгізілген шектеулердің көпшілігі алынып тасталады
Жарияланды
1 наурыздан бастап
Польшада наурыз айынан бастап індетпен күресу үшін енгізілген шектеулердің көпшілігі алынып тасталады, деп хабарлады Премьер-Министр Матеуш Моравецкий.
Матеуш Моравецкий қоғамдық орындарда, дүкендерде және көлікте маска режимі міндетті болып қала беретінін айтты. Сонымен қатар, жеті күндік карантин де сақталады.
Мемлекеттік мекемелердің қызметкерлері қашықтан жұмыс жасау режимінен қайтадан жұмысқа оралады, деді Моравецкий баспасөз мәслихатында.
«Біз үлкен өзгерістерді ұсына алатынымызды көріп отырмыз, бірнеше ай бойы қолданыста болған шектеулердің едәуір бөлігін алып тастауға болады»,— деді ол.
Польшаның Денсаулық сақтау министрлігінің басшысы Адам Недзельский шектеулерді жою туралы шешім 1 наурыздан бастап күшіне енетінін айтты.
