Бұған дейін Қытай оны 6,8%-ға арттырғысы келген
Қытай 2022 жылы әскери бюджетін 7,1%-ға арттырады, деп хабарлайды сенбі күні жарияланған бюджет жобасына сәйкес. Бұл туралы РИА Новости хабарлады.
«Ұлттық қорғаныс шығындары 7,1%-ға өсіп, 1,45 триллион юаньды (229,5 миллиард доллар) құрайды», – делінген құжатта.
Қытай жыл сайын қорғаныс шығындарын арттырады, қазіргі уақытта ҚХР әскери бюджеті көлемі жағынан әлемде АҚШ-тан кейін екінші орында тұр. 2021 жылғы бюджетке сәйкес, әскери шығындар 6,8 пайызға өсіп, 1,355 триллион юаньға (209 миллиард доллар) жетуі керек еді.
Еске салайық, өткен жылдың соңында АҚШ президенті Джо Байден 2022 қаржы жылына арналған қорғаныс бюджетіне қол қойған болатын. Оның көлемі 768 миллиард долларды құрады.
Өз кезегінде Жапония желтоқсан айында 2022 қаржы жылына арналған қорғаныс бюджетіне 47 миллиард долларды бекітті.
