Италияда азық-түлік бағасы күрт көтерілді

Елде күнбағыс майы 23,3%-ға өсті

Италиядағы ауылшаруашылық секторының үштен бірі жұмыс істеуге мәжбүр, ауыл шаруашылығы кәсіпорындарының 11% өндіріс шығындарының өсуі жағдайында жабылу қаупінде. Бұл туралы uz.sputniknews.ru сайты хабарлады.

 Наурызда Италияда азық-түлік бағасы энергия тарифтерінің өсуіне және Украина дағдарысының салдарына байланысты орташа есеппен 6,7%-ға қымбаттады. Бұл ірі ауылшаруашылық бірлестігі Coldiretti Ұлттық статистика институтының деректерін талдағаннан кейін анықталды.

Наурызда күнбағыс майы ең қымбат өнім болды – оның бағасы 23,3%-ға өсті. Себебі, негізгі өнім өндірушілердің бірі Украина тауарды жеткізуді тоқтатқан.

Оның үстіне жаңа піскен көкөністердің бағасы күрт өсті – 17,8%-ға, сондай-ақ сары май – 17,4%-ға.

Макарон өнімдерінің, теңіз өнімдерінің және ұнның қымбаттауы да екі таңбалы санға жетті. Бағасы қымбаттаған өнімдердің ондығына тауық еті, жаңа піскен жемістер, балық және балмұздақ кіреді.

Қыстың соңында өсімдік майлары мен көкөністер Италияда ең қымбат өнім деп танылды. Өнімнің орташа құны 4,6%-ға өсті.

Coldiretti айтуынша, итальяндықтардың шығындары қымбат энергия көздеріне және арнайы операцияның салдарына байланысты өсті. Ал шығындардың артуы бүкіл ауылшаруашылық азық-түлік тізбегіне елеулі әсер етуде. Шаруалар мен малшыларға берілетін өтемақы өнім шығынын өтеуге жетпейді.