Саяси шешімдер 25 сәуірде күшіне енеді
Жаңа Зеландия үкіметі Ресейден келетін барлық импортқа 35 пайыздық баж салығын, сондай-ақ Ресей өнеркәсібінің стратегиялық секторларына қатысты өнімдерді экспорттауға тыйым салатынын жариялады. Бұл туралы interfax.ru сайты хабарлады.
«Жаңа Зеландия барлық ресейлік импортқа баж салығын қолданады, сонымен қатар АКТ (ақпараттық және коммуникациялық технологиялар – IF) жабдықтары мен қозғалтқыштары сияқты өнеркәсіп өнімдерін экспорттауға тыйым салады», – деді Сауда министрі Дэмиен О’Коннор.
25 сәуірде күшіне енетін саяси шешімдерді орындау үшін нормативтік құқықтық актілер дайындалатыны көрсетілген.
Жаңа Зеландияның Ресейге қарсы санкцияларының бірінші кезеңі наурыз айында күшіне енді. Ел Ресей президенті Владимир Путинге, премьер-министр Михаил Мишустинге, сыртқы істер министрі Сергей Лавровқа және қорғаныс министрі Сергей Шойгуға қатысты шектеулер енгізді.
Сонымен қатар, Жаңа Зеландия 19 ұйымға, соның ішінде Промсвязьбанкке қарсы санкциялар қолданды. Санкцияларға «УралВагонЗавод» ғылыми-өндірістік корпорациясы» АҚ, 558 авиажөндеу зауыты және «Интеграл» компаниясы, сондай-ақ «Алмаз-Антей» концерні «ВКО» АҚ кірді.
Сонымен қатар, 364 саясаткердің, әскери қызметкерлер мен журналистердің Жаңа Зеландияға баруына тыйым салу күшіне енді.
