Екі ел альянсқа қосылса, оның мүшелерінің саны 32-ге жетеді
Финляндия мен Швеция осы жазда НАТО-ға мүше болу мүмкіндігін қарастыруда, деп хабарлайды Интерфакс-Қазақстан The Times басылымына сілтеме жасап.
АҚШ шенеуніктерінің айтуынша, өткен аптада альянстың сыртқы істер министрлері арасындағы келіссөздер кезінде екі елдің де НАТО-ға мүше болуы көптеген сессиялардың тақырыбы болды.
Финляндия маусым айында мүшелікке өтініш беруі мүмкін, содан кейін Швеция НАТО-ға кіру ниетін жариялайды.
Екі ел альянсқа қосылса, оған мүше елдердің саны 30-дан 32-ге дейін артады.
Наурызда Швеция премьер-министрі Магдалена Андерссон Швецияның әскери блокқа кіру мүмкіндігін сараптау қажеттігін айтып, НАТО-ға мүше болу мүмкіндігін жоққа шығармады.
Финляндияда Ресейдің Украинадағы арнайы әскери операциясы басталғаннан кейін елдің НАТО-ға кіру мүмкіндігі қызу талқылануда.
