Ресейде үш айда қару қолданумен байланысты 1,2 мың қылмыс жасалған

Бұл 2021 жылдың сәйкес кезеңімен салыстырғанда 8,6%-ға аз

Ресейде биылғы жылдың бірінші тоқсанында қаруды, оқ-дәрілерді және жарылғыш заттарды қолдану арқылы жасалған қылмыстар өткен жылдың сәйкес кезеңімен салыстырғанда 9 пайызға дерлік азайды. Бұл ТАСС агенттігімен танысқан РФ Ішкі істер министрлігінің деректерінен туындап отыр.

«2022 жылдың қаңтар-наурыз айларында қаруды, оқ-дәрілерді, жарылғыш заттарды қолдану арқылы 1,2 мың қылмыс жасалды. Бұл бір жыл бұрынғыдан 8,6%-ға аз», – делінген материалдарда.

Жалпы, Ішкі істер министрлігінің мәліметі бойынша, 2021 жылдың қаңтар-наурыз айларымен салыстырғанда елде қарудың заңсыз айналымына қатысты анықталған қылмыстар саны 11 пайызға дерлік азайған. Олардың саны 6,7 мыңды құрады.Сонымен қатар, қаруды, оқ-дәрілерді, жарылғыш заттар мен жарылғыш құрылғыларды ұрлау және бопсалау фактілері 6,5 пайызға өсті. Жалпы осындай 180 қылмыс жасалған.