Солтүстік Корея бір тәулікте 392 000 адамда «белгісіз безгек» анықталды

ЦТАК: КХДР-да «белгісіз безгекке» шалдыққандар саны 1,2 миллион адамнан асты

КХДР-да15 мамырда «белгісіз безгек» инфекциясының 392 мыңнан астам жаңа жағдайы анықталды. Бұл туралы Солтүстік Кореяның Орталық телеграф агенттігі (ЦТАК) хабарлады.

ЦТАК мәліметінше, сегіз науқас «қызуы көтеріліп» қайтыс болды. Елде барлығы 1,2 миллион адам ауырып, оның 648 мыңы жазылып шықты, 564 мыңнан астамы емделіп жатыр.

Қазіргі уақытта қаза тапқандар саны 50 адам екені атап өтілді, олардың кем дегенде біреуінде талдау стелс омикрон деп аталатын BA.2 коронавирус штаммын анықтады.

Бұған дейін КХДР басшысы Ким Чен Ын елде коронавирустың таралуы жағдайында дәріханаларды дәрі-дәрмекпен қамтамасыз етуді ұйымдастыру үшін әскерилерді жұмылдыруды бұйырған болатын. Корея жұмысшы партиясының саяси бюросы елдегі жағдайға байланысты шұғыл жиын өткізді. Онда Солтүстік Корея басшысы дәрі-дәрмек биліктің бұйрығына қарамастан дәріханаларға жеткізілмегенің атап өтті.

12 мамырда Солтүстік Кореяда алғаш рет коронавирус инфекциясы анықталды. Бұған дейін ел билігі елде індет жоқ деп мәлімдеген. Аурудың анықталуына байланысты елде төтенше жағдай жарияланды.