Apple құрылғыларын сатудан түскен табыс 0,5 миллиард долларға қысқарды
Америкалық Apple компаниясының таза табысы өткен тоқсанда былтырғы жылдың сәйкес кезеңімен салыстырғанда 2,3 миллиард долларға азайды, деп мәлімдеді ТАСС агенттігі компанияның қаржылық есебіне сілтеме жасап.
25 маусымда аяқталған үш айлық есепті кезеңде компанияның таза табысы $19,442 млрд құрады, ал 2021 жылдың сәйкес кезеңінде бұл көрсеткіш $21,744 млрд деңгейінде болды.
Apple құрылғыларын сатудан түскен табыс 0,5 миллиард долларға қысқарды, сонымен бірге әртүрлі қызметтерді көрсетуден түскен кіріс жылдық есеппен алғанда 2 миллиард долларға өсті. iPhone смартфондары сатылымның дәстүрлі флагманы болып қалды – үш айда әлем бойынша 40 665 осындай құрылғы сатылды – өткен жылдың сәйкес кезеңімен салыстырғанда 1 095 гаджет көп. Бұл ретте компанияның басқа құрылғыларының сатылымы төмендеді.
1976 жылы негізі қаланған Apple iPhone, iPad, iMac, MacBook және басқа да жоғары технологиялық өнімдерді шығарады.
