Ұлыбритания Украинаға, Сирияға және Шығыс Африкаға гуманитарлық көмек ретінде 36 миллион фунт стерлинг (42,9 миллион доллар) береді, деп хабарлады Ұлыбритания Сыртқы істер министрлігі.
«Ұлыбритания Украина мен Сириядағы қарулы қақтығыстар мен Шығыс Африкадағы азық-түлік тапшылығы жағдайында өмір сүріп жатқандарға шұғыл көмек ретінде 36 миллион фунт стерлинг береді», – делінген хабарламада.
Британ Сыртқы істер министрлігі бұл мәлімдемені БҰҰ Бас Ассамблеясы жариялаған Дүниежүзілік гуманитарлық көмек күніне орайластырғаны атап өтілді.
