Оңтүстік Корея мен Америка Құрама Штаттары далалық жаттығуларды қамтитын Ulchi Freedom Shield (UFS) жаңа атауымен тұрақты бірлескен әскери жаттығуларын бастады, деп хабарлайды Yonhap ақпарат агенттігі.
Оқу-жаттығу 1 қыркүйекке дейін жалғасады және командалық пункттерді компьютерлік модельдеу, далалық оқу және азаматтық қорғаныс жаттығуларын қамтиды. Оқу-жаттығулардың бірінші бөлігі Солтүстік Кореяның шабуылдарына тойтарыс беру және екінші бөлігі қарсы шабуылдарға бағытталған.
Екі елдің әскерилері далалық маневрлер бойынша 13 аралас оқу бағдарламасында әртүрлі сценарийлерді, соның ішінде атом электр станцияларындағы қолдан жасалған жарылғыш құрылғыларды анықтау, жартылай өткізгіш зауытындағы өрт, банк желісінің салдануы, әуежайлардағы лаңкестік және ұшқышсыз шабуылдар бойынша тәжірибеден өтеді.
Оқу-жаттығу кезінде COVID-19 таралуының алдын алу үшін әскери қызметшілер сынақтан өтуі және қатысу алдында бетперде киюі қажет.
