Ең төменгі жалақы 70 мың теңге болады
Жарияланды
Қазіргі кезде ең төменгі жалақы көлемі - 60 мың теңге
Қазақстандағы ең төменгі жалақы 60 мың теңгеден 70 мың теңгеге дейін көтеріледі. Бұл туралы Қазақстан халқына жыл сайынғы жолдауында Президенті Қасым-Жомарт Тоқаев мәлім етті.
«Мемлекет ең төменгі жалақыны анықтаудың жаңа әдістемесін енгізеді, ол оның мөлшерін кезең-кезеңімен артады. Мен ең төменгі жалақыны 60-тан 70 мың теңгеге көтеруге шешім қабылдадым. Бұл 1,8 миллион азаматтың кірісіне тікелей әсер етеді», – деді Мемлекет басшысы.
Былтырғы жолдауында Тоқаев Қазақстанда ең төменгі жалақы 42 500 теңгеден 60 000 теңгеге дейін өсетінін мәлімдеген еді.
