Алматыда із-түссіз жоғалған 15 жастағы Нигерия азаматшасы табылды
Жарияланды
Алматыда із-түссіз жоғалған 15 жастағы Нигерия азаматшасы табылды, – деп хабарлайды Polisia.kz
Әуезов аудандық ПБ-ға қарасты полиция бөлімі хабарлағандай, 12 қыркүйекке қараған түні қаладағы жалпы білім беретін мектептердің бірінде оқитын 15 жастағы оқушы жоғалып кеткен.
– Қоңырау 102 пультіне қыздың анасынан түнгі 01:40 минутта келіп түскен. Әйелдің айтуынша, қызы жанжалдан кейін үйінен шығып кеткен. Кәмелетке толмаған баланың жоғалғанын ескеріп, арнайы іздестіру тобы құрылды. Абырой болғанда, қыз табылып, ата-анасына аман-есен тапсырылды, – деді аталған бөлімшенің бастығы Елнұр Құдретбаев.
Спикердің айтуынша, оқиғаның мән-жайы мен себептерін егжей-тегжейлі зерделеу барысында отбасының жақсы екендігі анықталды. Олар Алматы қаласында 2021 жылдың қаңтар айынан бастап тұрады.
Ақпарат көзі Polisia.kz сайтынан алынды
