Биыл елімізде 31 мыңнан астам нысан пайдалануға берілді

Жыл басынан бері Қазақстанда жалпы ауданы 12 316,3 мың м2 болатын 31 мыңнан астам нысан пайдалануға берілді. Бұл туралы Ұлттық Статистика бюросы хабарлады.

2022 жылдың қаңтар-қыркүйек айларында құрылыс жұмыстарының көлемі 3 989,9 млрд теңгені құрады, бұл өткен жылдың сәйкес кезеңімен салыстырғанда 5,1%-ға артық.

Республика бойынша құрылыс жұмыстарының жалпы көлемінің ішінде жеке құрылыс ұйымдары – 83,8%, шетелдік – 16,1% және мемлекеттік – 0,1% ұйымдар орындаған.

Құрылыс жұмыстары көлемінің ұлғаюы республиканың 17 өңірінде байқалды.

Ең жоғары өсім:

Шымкент қаласы – 39,7%-ға

Қызылорда облысы – 35,1%-ға

Ақмола облысы – 26,9%-ға

Алматы облысы – 14,5%-ға

Құрылыс жұмыстары көлемінің азаюы:

Қарағанды облысы – 10,7%-ға

Абай облысы – 23%-ға

Маңғыстау облысы – 34,7%-ға

Пайдалануға берілген нысандардың 90,8 пайызы тұрғын үй секторына тиесілі, бұл 28 мыңнан астам тұрғын үй нысаны.

Сондай кейін магистральдық және жергілікті құбырлар, байланыс желілері, энергетикалық желілер, қосалқы нысандар – 1169, сауда нысандары үшінші орында, жыл басынан бері 513 нысан пайдалануға берілді. Білім беру және денсаулық сақтау саласында ағымдағы жылдың 9 айында 38 жалпы білім беретін мектеп, 24 мектепке дейінгі ұйым, 3 аурухана, сондай-ақ 6 амбулаториялық емхана іске қосылды