Қазақстанда автокөліктерге арналған жаңа шиналардың орташа құны 25%-ға, пайдаланылғаны – 10%-ға өсті. Шиналарды ауыстыру бағасы 12%-ға, қызметке сұраныс 50%-ға өсті. OLX сарапшылары осындай деректермен бөлісті.
Ескі дөңгелектердің орташа бағасы оларды ауыстыру маусымында 45 000 теңге болса, жаңалары 80 000 теңгеден сатылуда. Ең қымбат дөңгелектерді астаналықтар, ең арзанын ақтаулықтар сатып алады.
Көбінесе автокөлікке арналған бұл қосалқы бөлшек Алматы (24%), Астана (23%) және Қарағанды (18%) қалаларында сатып алынады.
Зерттеуде күзгі-қысқы маусымда дөңгелек ауыстыру қызметінің орташа құны аймаққа байланысты 2500-ден 6000 теңгеге дейін болатыны айтылған. Бұл үшін ең көп алматылықтар төлейді – 6000 теңге, ең азы – Тараз мен Қызылорданың әрқайсысы 2500 теңгеден төлейді. Жалпы, бұл қызметтің бағасы бір жылда 12 пайызға қымбаттады.
Қазан айының басында Қазақстан автобизнес қауымдастығы қазақстандықтардың жаңа көліктерді жиі сатып ала бастағанын, ал Chevrolet ең танымал модель болғанын хабарлады. Биылғы жылдың тоғыз айында ғана Қазақстанда 86 959 жаңа көлік сатылды.
