Байден G20 отырысында Тайвань мен Украинаны талқылауды жоспарлап отыр
Жарияланды
Байден: бізде талқылайтын нәрсе көп
АҚШ президенті Джо Байден Индонезиядағы G20 саммитінің басқа қатысушыларымен Украина дағдарысын шешудің ықтимал қадамдарын талқыламақ.
«Бұл келесі қадамдар қандай болуы мүмкін екенін талқылауға мүмкіндік болады», – деді Байден Ақ үйде өткен баспасөз мәслихатында.
«Маған Ресей президентінің ол жаққа келуі екіталай екенін айтты. Бірақ басқа қатысушылар болады», – деп қосты америкалық көшбасшы.
Бұған қоса, саммит аясында Қытай төрағасы Си Цзиньпинмен кездескен жағдайда Тайвань төңірегіндегі жағдай мен сауда қатынастарын талқылағысы келеді.
«Қалай болғанда да, бізде талқылайтын нәрсе көп», – деп түйіндеді Байден.
