Еліміздегі смартфондардың 6%-ы ғана 5G стандартын ұстайды

Биылғы қараша айының қорытындысы бойынша Samsung Қазақстандағы ең танымал ұялы телефон. Statcounter GlobalStats дерегінше, оның үлесі нарықтың 35,6%-ын құрайды, ал өткен жылы үлесі тіпті 39,9% болған. Негізгі бәсекелес Apple компаниясының үлесі, керісінше, 21,1%-дан 24,1%-ға дейін өсті. Үздік үштікті қытайлық Xiaomi бренді жабады, оның үлесі бір жыл ішінде 15,9%-дан 19,4%-ға дейін өсті.

Елдегі бес телефонның төртеуі дерлік осы үш брендке тиесілі. Оның үстіне Қазақстандағы танымал бес телефонның екеуі қытайлық бренд. Қазақстандықтар арасында Xiaomi-дан басқа Oppo (9,4%), Huawei (4,6%), Vivo (3,9%), Realme (1%) және OnePlus (0,4%) смартфондары да танымал. Ал, бір кездері ҚР-да болған LG нарықтың 0,2%-ын ғана алады.

Смартфондар бүгін өмірдің ажырамас бөлігі. Мәселен, 2021 жылдың қорытындысы бойынша ҚР-да 1000 адамға 767 ұялы телефоннан келді. Салыстыру үшін: 2012 жылы 1000 адамға 579 телефоннан ғана келген.

Ұялы байланыстың көрнекті артықшылығы оның қала мен ауыл тұрғындары арасындағы шекараны жоюы және ақпаратқа, қызметтерге, оның ішінде қоғамдық қызметтерге және т. б. қол жеткізуге тең мүмкіндіктер беруі. Атап айтқанда, ҚР-да 2021 жылы қалада 1000 адамға 795 ұялы телефон, ауылдық жерде 726 ұялы телефоннан келді.

Цифрлық теңдікке қол жеткізуде мобильді интернеттің қолжетімділігі мен қамтуы маңызды рөл атқарады. Еске салайық, ҚР жер көлемі бойынша әлемде 9-орында, сондықтан бұл мәселе біздің еліміз үшін ерекше өткір және өзекті. International Telecommunication Union дерегінше, 2020 жылы ҚР халқының мобильді интернетпен қамтылуу 98%-ды құрады, оның 81%-ы 4G желісінің үлесіне тиесілі. Салыстыру үшін: 2014 жылы тұрғындарды 4G мобильді интернетпен қамтылуы 43% болды.

Сонымен қатар, қазірдің өзінде ҚР халқын 5G желісінде мобильді интернетке қосу және қамту бойынша жұмыстар жүргізілуде. ҚР Цифрлық даму, инновациялар және аэроғарыш өнеркәсібі министрлігі 5G желісін биылғы жылдың соңына дейін республикалық маңызы бар қалаларда (Алматы, Астана және Шымкент), ал 2023–2025 жылдары облыс орталықтарында іске қосуды жоспарлауда, деп хабарлайды «ҚазАқпарат» ХАА.

Дегенмен, қазақстандықтардың 5G-ге дайындығы әлсіз. Желіні қамтудан басқа, 5G ұстайтын смартфонды да қажет етеді және мұндай смартфондар өте қымбат. Сонымен, 5G қолдайтын құрылғылардың құны 100 мың теңгеден басталады және бұл қазақстандықтар арасында танымал Samsung пен Apple емес, қытайлық брендтер. Танымал брендтердің 5G ұстайтын смартфондары 250 мың теңгеден басталады, ал флагмандық модельдерде әлдеқайда қымбат.

Мұны ұялы байланыс абоненттерінің саны бойынша көшбасшы Beeline Kazakhstan деректері де жанама түрде растайды. Қазақстандағы Beeline абоненттерінің тек 6%-да 5G ұстайтын телефон бар. Өңірлер бойынша көрсеткіш Солтүстік Қазақстан, Жетісу, Қызылорда және Жамбыл облыстарында 4%-дан Алматы облысы мен Алматы қаласының абоненттері бойынша 11%-ға дейін ауытқиды.

5G ұстайтын телефон брендтері ішінде ең алда Apple (бірден 57%), Samsung флагмандық үлгілері (22%), Xiaomi (тек 10%) және басқа брендтер (11%).