Өткен жылы Беларусь, Бангладеш және Үндістан Ресейдің ең үлкен борышкерлері болды. Ал Иран Ресейден соңғы 30 жылда алғаш рет несие алды, деп хабарлайды РИА Новости.
Осылайша Минскінің Мәскеу алдындағы қарызы бір жылда 1,9 пайызға өсіп, 8,5 миллиард долларға жетті. Бангладеш 4,4 миллиард доллар қарызымен екінші орында тұр, бұл бір жыл бұрынғыдан үштен біріне дерлік артық. Үшінші орында Үндістан – оның қарызы 11,7 пайызға өсіп, 3,3 миллиард долларға жетті.
Одан кейін бір жыл ішінде қарызын небәрі 0,9 пайызға арттырып, 1,5 миллиардқа жеткен Вьетнам тұр, Йемен бесінші орынға көтерілді (1,17 миллиард), ал Ауғанстан 1,16 миллиардпен алтыншы орында.
Өзбекстанның қарызы өткен жылдағы ең көп өсті – бірден 77 пайызға өсіп, 254,7 миллион долларға жетті. Мысырдың қарызы 63,7 пайызға өсіп, 867,2 миллион долларды құрады, Пәкістан қарыз алуын 20,8 пайызға артып, 86,7 миллион долларға жеткізді.
1990 жылдардың басынан бері Иран алғаш рет ресейлік борышкерлер тізімінде пайда болды – өткен жылы ол алты миллион доллар қарыз болды. Дүниежүзілік банктің материалдарына сәйкес, Тегеранның Мәскеу алдындағы қарызы соңғы рет 1992 жылы бекітілген. Сонда ол 251,3 мың долларға тең болды.
Жалпы, 2021 жылы Ресейге 38 мемлекет қарыз. Олардың жалпы қарызы 26,54 миллиард долларға бағаланып, бір жыл ішінде 7,4 пайызға өсті.
