Өзбекстан Денсаулық сақтау министрлігі Самарқандта «Док-1 Макс» препаратын қабылдаған 18 баланың өліміне үйде емделу кезінде препараттың артық дозалануы себеп болғанын анықтады, деп хабарлады сейсенбі күні министрліктің баспасөз қызметі.
Ведомствоның мәліметінше, «Док-1 Макс» сиропын қабылдау нәтижесінде жедел респираторлық аурумен ауырған 21 баланың 18-і қайтыс болған. Қайтыс болған балалар стационарлық емге түскенге дейін бұл дәріні үй жағдайында 2-7 күн, күніне 3-4 рет 2,5-5 мл қабылдаған, бұл препараттың стандартты дозасынан асып түсетіні анықталды.
Хабарламада атап өтілгендей, барлық балаларға дәрі дәрігердің нұсқауынсыз берілген. Препараттың негізгі құрамдас бөлігі парацетамол болып табылады. Ал ата-аналар өздігінен немесе дәріхана қызметкерлерінің ұсынысы бойынша суыққа қарсы дәрі ретінде «Док-1 Макс» сиропын дұрыс пайдаланбаған.
