Көкшетауда бір жарым жасар сәби ыстық судан көз жұмды

 Көкшетау қаласында пәтерде коммуналдық апат болып, бөлмені ыстық су басқан. Бұл туралы astanatv.kz хабарлады.

«Мейірімді жүрек» қоғамдық қорының жетекшісі Ирина Котухованың айтуынша, радиатордың шүмегі үзіліп кеткен. Ал ол бөлмеде бала ұйықтап жатқан.

«Бүлдіршін бумен демалып, комаға түскен», – дейді.

Артынша көз жұмыпты. Сондай-ақ, қыздың әкесінің де аяғын күйік шалған.