Енді азаматтар Halyk Homebank және Kaspi.kz мобильдік қосымшалары арқылы неке қиюды тіркеуге өтініш бере алады,- деп хабарлайды ҚР Әділет Министрлігінің баспасөз қызметі.
Әділет министрлігі Digital Justice жобалар портфелі шеңберінде ҚР Цифрлық даму, инновациялар және аэроғарыш өнеркәсібі министрлігімен бірлесіп, мемлекеттік қызметтердің смартфондар арқылы қолжетімділігін қамтамасыз ету бойынша жұмыстар жүргізуде.
Әділет министрлігі Halyk Bank және Kaspi Bank-пен бірлесіп Halyk Homebank және Kaspi.kz мобильдік қосымшалары арқылы неке қиюды тіркеуге өтініш беру бойынша сервистерін іске қосты.
Бұл туралы ҚР Әділет министрлігінің ресми өкілі Талғат Уәли мәлімдеді.
Halyk Homebank және Kaspi.kz мобильдік қосымшалары арқылы қызметті алу үшін «Мемқызметтер» бөлімінде өтінішті толтырып, мемлекеттік баж (1 АЕК – 3 450 теңге) төлеуі және екінші қызмет алушы 48 сағат ішінде өтінімді растауы қажет.
15 күнтізбелік күн өткеннен кейін АХАТ органдары жас жұбайлардың қатысуымен неке қиюды тіркейді.
Естеріңізге сала кетейін, бұл мерзім бұрын 1 айды құраған, деді Талғат Уәли.
