Еліміздің 3 өңірінде өзен суларының тасу қаупі жоғары

Қазгидромет алдағы күндері 3 өңірдегі өзендер суының көтерілетіндігі туралы ақпарат таратты- деп, хабарлайды ҚазАқпарат.

«13-15 ақпан аралығында Түркістан, Жамбыл және Алматы облыстарында жаңбыр және жылбысқы қар түріндегі жауын-шашын болжанады. Сондай-ақ температуралық фонның жоғарылауына байланысты қарқынды қар еруі, еріген қар және беткейлік ағындының қалыптасуы салдарынан өзендерде су деңгейлерінің көтерілуі мүмкін. Бұл ретте судың жайылуы және тасқыны болуы ескертіледі», – делінген хабарламада.