Әділет министрлігі Digital Justice – цифрлық Әділет жобаларының портфелін іске асыруда, ол «Е-заң көмегі», «Аттестаттау реинжинирингі», «МИБ цифрландыру», смартфондардан мемлекеттік қызметтердің қолжетімділігі, атқарушы өндіріс және т.б. сияқты 7 жобадан тұрады- деп хабарлайды аталмыш министрліктің баспасөз қызметі.
Мәселен, «Е-заң көмегі» жобасы адвокаттардың, заң консультанттарының қызметін автоматтандыруға, олардың процеске қатысушылармен және басқа да мүдделі тараптармен «онлайн» өзара іс-қимыл жүргізуге арналған. Жүйеде қылмыстық сот ісін жүргізудің сотқа дейінгі сатысында мемлекет кепілдік берген заң көмегінің процестері автоматтандырылған, ол үшін Бас прокуратураның «Е-қылмыстық ісімен» тиісті интеграциялар бар.
Қазіргі уақытта 53 мемлекеттік қызметтің ішінен Egov Mobile мобильді қосымшасында 28 мемлекеттік қызмет, 13 сервис және 5 цифрлық құжат қолжетімді.
2023 жылдың 1 тоқсанында «МИБ цифрландыру» пилоттық жобасын іске қосу жоспарланған. Жоба тұрғындардың қол таңбаларын жинау процестерін автоматтандыруға, дауыстарды, кворумды автоматты түрде санауға және кейіннен МИБ тіркеу үшін электрондық хаттаманы қалыптастыруға мүмкіндік береді.
Еgov.kz сайтында министрліктің барлық қызметтері электрондық форматқа аударылды, бұл ретте оларды көрсетуді жетілдіру, сондай-ақ бизнес-процестерді реинжинирингтеу бойынша жұмыстар белсенді жүргізілуде. Мәселен, ағымдағы жылғы қаңтардан бастап сайтта egov.kz міндетті мемлекеттік тіркеуге жатпайтын жылжымалы мүлік кепілін (жылжымайтын мүлікке жатпайтын мүлік, айналымдағы тауарлар, ақша, мүліктік құқықтар, оның ішінде болашақ өнімге құқық) тіркеу жөніндегі қызмет толық автоматтандырылған.
2023 жылдың 1 жартыжылдығында сайтта egov.kz тіркеу, қайта тіркеу процесін толығымен автоматтандыру, сондай-ақ саяси партиялар мен діни бірлестіктерді қоспағанда, заңды тұлғалардың барлық түрлерінің құрылтай құжаттарына өзгерістер мен толықтырулар енгізу жоспарлануда. Айта кету керек, Министрлік мемлекеттік қызметтерді мобильді қосымшаларға көшіру бойынша белсенді жұмысты жалғастыруда.
Банктердің мобильді қосымшаларында Halyk Homebank арқылы некені тіркеу, Bereke Bank «B-Business» мобильді қосымшасы арқылы ЖШС тіркеу, Kaspi.kz және Halyk Homebank арқылы баланың туу туралы куәлігін алу қызметтері, Halyk Homebank арқылы заңды тұлғалар мен жылжымайтын мүлік туралы мәліметтер қолжетімді.
Сондай-ақ Министрліктің мемлекеттік қызметтерін мобильді қосымшаларға көшіру бойынша жұмыстар белсенді жалғасуда.
Бүгінгі күні egov.kz сайтында Министрліктің барлық қызметтері электрондық форматқа көшірілді.
Бұл ретте оларды көрсетуді жетілдіру, сондай-ақ бизнес-процестерді реинжинирингтеу бойынша жұмыстар белсенді жүргізілуде.
Бұдан басқа, Министрлік бірқатар мемлекеттік қызметтерді проактивті форматта көрсетеді (бала туылғаннан кейін бір тәулік өткен соң куәлік беруді, жылжымайтын мүлік иесінің мекенжайын автоматты режимде өзгертуді көздейтін баланың туу қызметі).
Жаңа жылжымайтын мүлік иелеріне коммуналдық қызметтермен шарттар жасасу тәртібі жеңілдетілді.
Композиттік форматта Blockchain технологиясын қолдана отырып, банктік кепіл және сатып алу-сату шарттарын тіркеу, Отбасы банкінің www.gosreestr.kz сайты арқылы жалға берілетін тұрғын үйді субсидиялау, сайтта тұрғын үйлерді жекешелендірудің электрондық шарттарын ресімдеу қолжетімді.
Сондай-ақ, қамтамасыз ету шараларын автоматты түрде алып тастай отырып, Halyk Homebank, Freedom finance және Bereke bank мобильді қосымшалары арқылы берешекті төлеу сервисін ұсыну бөлігінде атқарушылық іс жүргізу органдарының автоматтандырылған ақпараттық жүйесін банктердің ақпараттық жүйелерімен интеграциялауды тираждау бойынша жұмыстар жүргізілуде.
