Көтерме сауданың төрттен үш бөлігі 3 өңірге тиесілі

Қаңтар айында көтерме сауда көлемі 2,5 трлн теңгеге жеткен. Былтырғы жыл басымен салыстырсақ, ақшалай мәнде үштен бір есе көп. Оның төрттен үш бөлігі тек 3 өңірге тиесілі деп жазады, ranking.kz

Қазақстанның жалпы ішкі сауда көлеміндегі көтерме сауда үлесі бір жылда 72,2%-дан 70,4%-ға дейін төмендеген.

Жалпы алғанда, 2022 жылғы қаңтар-желтоқсанда көтерме сауда көлемі 34,9 трлн теңгені құраған. Бұл көрсеткіш 2021 жылмен салыстырғанда ақшалай түрде 12,2% көп (нақты өсім – 6,3%*). Ішкі сауда дағы көтерме сауда үлесі 69,4%-дан 68,9%-ға дейін төмендеді.

Өңірлер бойынша алсақ, ҚР-дағы көтерме сауданың төрттен үші тек үш өңірге тиесілі. 2023 жылдың қаңтарында басым бөлігі ірі мегаполис Алматыда тіркелген: 1 трлн теңгеден сәл астам (бір жылда нақты өсім – 0,3%). Одан кейін Атырау облысы (466,9 млрд теңге, нақты мәнде 11% азайған) және Астана (368,5 млрд теңге, 48,3% көбейген) келеді. Қарағанды ​​облысында да көрсеткіш аз емес: 130,6 млрд теңге, 59,6% көбейген.

Ал Ұлытау (5,9 млрд теңге, 45,6% көбейген) және Түркістан (7,8 млрд теңге, 9,8% көбейген) облыстарда төмен.

Сауда құрылымында азық-түлік емес тауарлар көш бастап тұр: 2023 жылғы қаңтарда оның көлемі 2,1 трлн теңге болған. Азық-түлік тауарлары 449,2 млрд теңгені құрады, бұл 2022 жылғы қаңтармен салыстырғанда 15,8% көп.

Көтерме сауда тауарларының басым бөлігі сауда кәсіпорындары мен ұйымдары арқылы сатылды: мысалы, 2023 жылғы қаңтарда олардың үлесі 2,4 трлн теңгеден астам болды – 2022 жылғы қаңтармен салыстырғанда ақшалай түрде 30,9% көп (нақты көлемнің нақты өсімі – 16,5%).

Базарлар мен жеке кәсіпкерлер арқылы сатылған тауар 3,2 есе көбейгенімен, бар болғаны 80 млрд теңгені құрады (нақты өсім – 2,9 есе).

Қаңтар айында Қазақстандағы бөлшек сауда көлемі 1 трлн теңгеден асып, рекорд орнатқан болатын.