Елімізде тауарларға ілеспе жүкқұжаттарды рәсімдеуді оңайлату көзделді

Мемлекеттік кірістер комитеті «Атамекен» ҰКП-мен бірлескен жұмыс шеңберінде тауарларға ілеспе жүкқұжаттарды рәсімдеу қағидаларына (2019 жылғы 26 желтоқсандағы № 1424 бұйрық) «Қазақстан Республикасы Қаржы министрлігінің кейбір бұйрықтарына өзгерістер енгізу туралы»
2023 жылғы 15 наурыздағы № 278 бұйрықпен Тауарларға ілеспе жүкқұжаттарды рәсімдеу және «Виртуалды қойма» модулін қолдану бойынша оңайлату көзделгендігін хабарлайды.

Осы бұйрықпен 2023 жылғы 1 сәуірден бастап:

– тауарларды қадағалау тетігі туралы келісімге сәйкес қадағалануға жататын тауарлар (СЭҚ ТН – тоңазытқыштар, мұздатқыштар 11 коды) және мұнай өнімдері, алкоголь өнімдері бойынша Виртуалды қойма қолдана Тауарларға ілеспе жүкқұжаттарды рәсімдеу;

– Виртуалды қойма қолданбай, ЕАЭО шеңберінде тауарлардың импортына/экспортына (барлық тауарлар бойынша) Тауарларға ілеспе жүкқұжаттарды рәсімдеу міндеттемелері көзделеді.

Осылайша, Қазақстан ішінде тауарларды сату кезінде ТІЖ тауарлардың тек 3 санаты бойынша рәсімделуі қажет. Басқа тауарлар бойынша ТІЖ және Виртуалды қойма қолдану ерікті негізде жүзеге асырылады.

Енгізілген өзгерістер ҚР ішінде тауарларды өткізу кезінде ТІЖ міндеттемелері бойынша қамтуды 16 есеге (80 мың СТ-дан 5 мың СТ-ға дейін) төмендетуге мүмкіндік береді.

Сондай-ақ, Электрондық шот-фактуралардың ақпараттық жүйесінде электрондық нысандағы шот-фактураларды жазып беру (№370 бұйрық) және ЭШФ ақпараттық жүйесі «Виртуалдық қойма» модулі арқылы электрондық шот-фактуралар жазып берілетін тауарлар тізбесіндегі (№384 бұйрық) Қағидаға ілеспе түзетулер енгізілді.