Батыс нарығына тиым салынған Ресей мұнайын енді Пәкістан сатып алмақ

Пәкістан Исламабад пен Мәскеу арасында жасалған жаңа келісім аясында Ресейдің шикі мұнайына алғашқы тапсырыс жасады. Бұл туралы Reuters елдің мұнай министрлігіне сілтеме жасап хабарлайды. Мамыр айында Карачи портына алғашқы партия келеді.

Пәкістан Ресейге шикі мұнайы үшін жаңа нарық. Бұл Мәскеудің Үндістан мен Қытайға сатылымының өсуіне ықпал етеді. Осылайша Ресей Украинадағы қақтығыстан кейін Батыс елдері мұнай жеткізуге тыйым салынғаны есебінен артылған өнімді бағыттайтын нарық тауып отыр.
Мұнайдың төмендетілген бағасы төлем балансының дағдарысы мен валюталық резервтері азайған, салдарынан қолма-қол ақшадан тапшылық көріп отырған Пәкістан үшін өте қажет. Энергия импорты елдің сыртқы төлемдерінің басым бөлігін құрайды.

Мәмілеге сәйкес, Пәкістан тазартылған отыннан гөрі шикі мұнайды ғана сатып алады, егер бірінші мәміле жүзеге асса, импорт күніне 100 000 баррельге жетеді деп күтілуде, деп хабарлады министр Мусадик Малик сәрсенбі күні кешке Reuters агенттігіне.

Басылымның жазуына қарағанда, Kpler аналитикалық компаниясының мәліметтері бойынша, Пәкістан 2022 жылы күніне 154 000 баррель мұнай импорттаған, сұраныс өткен жылмен салыстырғанда салыстырмалы түрде өзгерген жоқ. Шикі мұнайдың көп бөлігін әлемдегі ең ірі экспорттаушы Сауд Арабиясы, одан кейін Біріккен Араб Әмірліктері жеткізді.
Егер Ресей мұнайының жеткізілімі күніне 100000 баррельге жетсе, бұл Пәкістанның Таяу Шығыс жеткізушілерінен алатын өнімі азаятынын білдіреді.

Елдің Мұнай министрі Мусадик Маликтің айтуынша, пәкістандық Refinery Limited (PRL) бастапқыда ресейлік мұнайды сынақтан өткізеді, содан кейін Pak-Arab Refinery Limited (PARCO) және басқа да мұнай өңдеу зауыттары сынақтан өткізуді бастайды.

Ресейдің Энергетика министрі Николай Шульгинов қаңтар айында Исламабадтағы делегацияны басқарған еді, содан кейін ол Пәкістанға мұнай экспорты наурыздан кейін басталуы мүмкін екенін мәлімдеген болатын.
Батыс елдері Мәскеуге қарсы санкциялар аясында Ресей мұнайын сатып алатындардың барлығына барреліне 60 доллар шекті бағаны енгізді, алайда Үндістан мен Қытай трейдерлер мен Reuters есептеулеріне сәйкес бағаны шекті бағадан жоғары төлейді.