Бағалардың төмендеуі әсерінен Қытайдың өнеркәсіптік саласында кіріс азаюда

Қытайдағы өнеркәсіптік компаниялардың кірісі төмендеп барады. Бұл туралы Bloomberg басылымы жазады.

Қытайдың Ұлттық статистика бюросы таратқан ақпаратқа сәйкес, қаңтар-наурыз айларында өнеркәсіп саласының кірісі өткен жылғы осы мерзіммен салыстырғанда 21.4%-ды құраған. Агенттік дерегінше, бұған елдегі бағаның төмендеуі ықпал етіп отыр.

Ресми мәліметтерге сәйкес, наурыз айындағы пайда өткен жылдың сәйкес кезеңімен салыстырғанда 19,2% – ға төмендеді.

NBS статистигі Сун Сяо «өнеркәсіптік компаниялардың пайдасының төмендеуі әлі де салыстырмалы түрде жоғары және компаниялардың шығындары әлі де жоғары»,-деп мәлімдеді.

«Біз нарықтық сұранысты кеңейтуге, нарық сенімін арттыруға, компаниялардың үміттерін жақсартуға, жеткізілім мен сатуды жақсырақ үйлестіруге және өнеркәсіптік компаниялардың пайдасын тезірек қалпына келтіруге назар аударуымыз керек», деді ол.

Дегенмен, басылымның жазуынша, автомобиль өнеркәсібінің пайдасы наурыз айында өткен жылмен салыстырғанда 9,1% – ға өскен. Оған автомобильдерге сұраныстың артуы мен сатылымның қалпына келуі ықпал еткен.

Тұтыну тауарларын өндіретін бірнеше секторда да ілгерілеу байқалды: NBS мәліметтеріне сәйкес, алкоголь, сусындар және тазартылған шай өндірісінде өткен айда пайда 39,9% – ға өсті.

Экспорт өткен айда негізінен Оңтүстік-Шығыс Азия мен басқа нарықтардың тұрақты сұранысының арқасында қалпына келді, бірақ өнеркәсіптік өндірістің өсуі күткендей болмады.
Жеке фирмалардың кірісі қаңтардан наурызға дейін 23% – ға төмендеді, ал Мемлекеттік кәсіпорындардың кірісі 16,9% – ға төмендеді.
Әлемнің екінші ірі экономикасы пандемиядан кейін біртіндеп қалпына келіп жатыр. Дегенмен, толыққанды қалпына келуге әлемдегі белгісіздік ықпал етіп тұр.

Бейжің тұтынушылық сұраныстың қалпына келуіне және инфрақұрылымға инвестициялардың ұлғаюына есебінен экономиканы бір жылда шамамен 5% өсіруді көздеп отыр.