Бейсенбіде алтын бағасы қымбаттады. АҚШ Федералды резерв жүйесі мөлшелеменің өсу циклін тоқтата тұруы мүмкін екенін мәлімдеген соң АҚШ облигацияларының кірістілігі мен АҚШ доллары төмендеді. Бұл алтын бағасының шарықтауына ықпал етті. Бұл туралы Reuters жазады.
Алтынның бір унциясы 2040,46 долларға дейін қымбаттады. Алдыңғы сессияда баға бір унция үшін 2072,19 долларға дейін өсті және ол 2020 жылғы рекорд 2072,49 доллар деңгейіне жуықтады.
АҚШ-тағы алтын фьючерстері 0,6% – ға өсіп, 2050,10 долларға жетті.
ФРЖ базалық пайыздық мөлшерлемені 25 базистік тармаққа көтерді, бірақ бұдан былай ставкалардың көтерілетініне қатысты мәлімдеме жасалған жоқ, оның орнына «бұдан әрі көтерудің қаншалықты орынды болатынын» анықтау үшін кіріс деректері бақыланады.
Алтын бағасына «ФРЖ – отырысынан кейігін кірістің төмендеуі және доллардың әлсіреуі, сондай-ақ саяси мәлімдемелердің тұжырымдамасындағы өзгерістер қолдау көрсетті», – деді IG нарық талдаушысы Йеп Чжун Ронг.
Доллар индексі 0,2% – ға төмендеді. АҚШ-тың қазынашылық кірістілігі де төмендеді.
Сингапурдағы Goldsilver Central алтын өндіретін компанияның басқарушы директоры Брайан Лан: «қазіргі уақытта пайданың белгілі бір фиксациясы бар және ол жақын арада жалғасуы мүмкін, бірақ алтынның болашағына қатысты болжам оптимистік сипатта қала береді», – деді.
ФРЖ төрағасы Джером Пауэлл АҚШ-тың рецессиядан құтылу ықтималдығы жоғары екенін айтты, бірақ оны рецессияның болатынын да жоққа шығармайды және «бізде қалыпты рецессия болады деп үміттенемін»деп қосты.
Экономикалық белгісіздік және төмен ставкалар, әдетте, нөлдік кірісті активтерге сұранысты арттырады.
Күміс бір унция үшін 0,9% – ға 25,82 долларға дейін, платина 1% – ға 1060,16 долларға дейін, ал палладий 1,4% – ға 1443,11 долларға дейін көтерілді.
