Оңтүстік Корея Украинаға жеңілдетілген несие береді
Жарияланды
Украина Оңтүстік Кореяның экономикалық даму және Ынтымақтастық Қорының (EDCF) бағдарламаларына қатысу үшін басым елдер тізіміне енгізілді. Бұл туралы Yonhap агенттігі Азия елінің Қаржы министрлігіне сілтеме жасап хабарлады.
«Оңтүстік Корея Украинамен әртүрлі салаларда, соның ішінде соғыстан кейінгі қалпына келтіру мәселелерінде ынтымақтастыққа ұмтылуда», – деді Оңтүстік Кореяның қаржы министрі Чху Гён Хо.
Оның айтуынша, EDCF шеңберінде алдын ала үкіметаралық несиелеу келісіміне қол қойылған. Құжат ішкі рәсімдерден өткеннен кейін күшіне енеді.
Чху Гён Хо Сеул 2022 жылы Киевке 100 миллион доллар гуманитарлық көмек ұсынғанын және ағымдағы жылдың ақпан айында 130 миллион доллар көлемінде қосымша көмек жоспарларын жариялағанын еске салды.
