1 маусымнан коллекциялық монеталарды Ұлттық банктің интернет-дүкенінен сатып алуға болады

Фото: liter.kz

2023 жылдың 1 маусымынан бастап Ұлттық Банк интернет-дүкенінде коллекциялық монеталар сатыла бастайтынын хабарлайды.

Бұл тиындар алтын мен күмістен дайындалған. Сатып алушы оларды аумақтық филиалдардың кассасынан өз бетінше алып кете алады.

Интернет-дүкен арқылы монета сатып алу, оның ішінде аумақтық филиалдарға бару күні мен уақытын белгілеу толық нұсқаулығымен мына сілтемеге өтіп танысуға болады.

Аумақтық филиалдарда келушілер кезегін ұйымдастыру үшін интернет-дүкенде келу күні мен уақытын белгілеу функциясы іске қосылған. Аумақтық филиалға баратын күн мен уақытты белгілеуге берілген сілтемесі бар тапсырысты растау туралы хабарлама пайдаланушының электрондық пошта мекенжайына интернет-дүкенде монета сатып алғаннан кейін түседі.

Егер аумақтық филиалдың кассасы пайдаланушының белгіленген күні мен уақытында жеке және/немесе заңды тұлғаға қызмет көрсетумен айналысатын болса, онда келушілер өз тапсырысын нақты кезек тәртібімен ала алады..

Коллекциялық монеталарды алып кету жолымен сату кезеңінде монета сатып алушыларға уақытылы беруді қамтамасыз ету үшін курьерлік жеткізу арқылы коллекциялық монеталарды сату уақытша тоқтатылған. .

Сатып алынған монеталар пайдаланушыға тапсырысты растау формасы тексерілгеннен кейін, сондай-ақ жеке куәлігін көрсете отырып, ҚҰБ-тың аумақтық филиал кассаларында беріледі. Тапсырысты растау формасын пайдаланушының жеке кабинетіндегі «Менің тапсырыстарым» бөлімінен жүктеуге болады. Монетаны сатып алуғы өзі алып кетуі тиісі, куьер немесе басқа адамға берілмейді.

Сатылымға шығарылатын монеталар:

• BUǴY күміс монеталарының сынамасы – 925, массасы 777,5 грамм, диаметрі 100 мм, диаметрі 2 мм гауһар орнатылған, дайындау сапасы proof, номиналы 5 000 теңгелік, таралымы 250 дана

• AQQÝ күміс монеталарының сынамасы – 925, массасы 777,5 грамм, диаметрі 100 мм, диаметрі 2 мм гауһар орнатылған, дайындау сапасы proof, номиналы 5 000 теңгелік, таралымы 350 дана;

• BÚRKIT күміс монеталарының сынамасы – 925, массасы 777,5 грамм, диаметрі 100 мм, диаметрі 2 мм гауһар орнатылған, дайындау сапасы proof, номиналы 5 000 теңгелік, таралымы 500 дана;

• ÓMIR SHEJIRESI монеталары 925 сынамалы күмістен дайындалған, массасы 777,5 грамм, диаметрі 100 мм, дайындау сапасы proof, номиналы 7777 теңгелік, таралымы 500 дана;

• KIIZ ÚI монеталары 925 сынамалы күмістен дайындалған, массасы 1000 грамм, диаметрі 100 мм, дайындау сапасы proof, номиналы 5 000 теңгелік, таралымы 350 дана;

• JETI QAZYNA монеталары 925 сынамалы күмістен дайындалған, массасы 777,5 грамм, диаметрі 100 мм, дайындау сапасы proof, номиналы 5000 теңгелік, таралымы 250 дана;

• JETI QAZYNA монеталары 999/1000 сынамалы алтыннан дайындалған, массасы 7,78 грамм, диаметрі 25 мм, дайындау сапасы proof, номиналы 500 теңгелік, таралымы 1 000 дана;

• Барыс жылы монеталары 999/1000 сынамалы алтыннан дайындалған, массасы 7,78 грамм, диаметрі 21,87 мм, дайындау сапасы proof, номиналы 500 теңгелік, таралымы 1 000 дана.