Visa төлем жүйесі Pismo компаниясын 1 миллиард долларға сатып алды

Фото: kursiv.media

АҚШ-тың ең ірі төлем жүйесінің операторы US Visa Inc. финтех Pismo компаниясын 1 миллиард долларға сатып алды. Бұл туралы «Интерфакс-Қазақстан» агенттігі хабарлады.

Pismo – Латын Америкасы, Азия-Тынық мұхиты мен Еуропа аймағында жұмыс істейтін бұлтты банкинг платформасының операторы.

«Мәміле реттеуші органдардың мақұлдауын күтіп тұр және 2023 жылдың соңына дейін жабылуы тиіс», – делінген Visa баспасөз хабарламасында.

Pismoны сатып алу арқылы Visa «сараланған шешімдерді ұсына отырып, қаржы институттары мен финтек компанияларына жақсы қызмет көрсете алады».

Pismo-ның қазіргі басшылығы компанияның басында қалады.

Visa акциялары бейсенбі күнгі алдын ала саудада тұрақты. Биылғы жылдың басынан бері олардың құны 9,7%-ға өсті.

Бұған дейін Visa компаниясы шағын бизнесті қолдау үшін «Бизнес-трамплин» жобасын іске қосатыны хабарланған.