Азия-Тынық мұхиты қор индекстері күрт құлдырады

Азия-Тынық мұхиты аймағындағы (APR) қор индекстері 5 шілде сауданы төмен динамикамен аяқтады, деп хабарлайды Интерфакс-Қазақстан.

Бұған Жапония мен Қытайдағы бизнес ахуалға қатысты жағымсыз статистика себеп болды.

«Жапониядағы сатып алу менеджерлерінің жалпы индексі (PMI) маусымда бір ай бұрынғы 54,3 тармақтан 52,1 тармаққа дейін төмендеді», – деп жазылған Jibun Bank есебінде.

Осылайша индекстің маусымдағы мәні ақпаннан бергі ең төменгі межеге жеткен.
Jibun Bank есептеген PMI қызметтері өткен айда мамырдағы 55,9-дан 54-ке дейін төмендеді.
Бұл ретте Қытайда PMI индексі де, қызмет көрсету белсенділігінің индикаторы да соңғы 5 айдағы ең төменгі межеге жетті.
Оған карантиндік шектеулер алынғаннан кейінгі экономиканың қалпына келу қарқынының болжанғаннан баяу дамуы ықпал етті.
Caixin Media Co. және S&P Global жалпы индексі мамырдағы 55,6-дан маусымда 52,5-ке, PMI қызметтері индексі – 57,1-ден 53,9-ға дейін төмендеді.
Еске сала кетсек, PMI көрсеткішінің 50 баллдан жоғары болуы іскерлік белсенділіктің артқанын көрсетеді. Қытайда алты ай қатарынан бұл индикатор белгіленген көрсеткіштен жоғары.
Сейсенбі күнгі сауда барысында жапондық Nikkei 225 қор индексі 0,4%-ға төмендеді.
Mitsubishi UFJ акциялары 1,1%, Tokyo Electron – 0,7%, Fast Retailing – 2,4% арзандады. Бұл ретте SoftBank Group 1,3%-ға, Rakuten Group – 0,6%-ға өсті.
Қытайдың Shanghai Composite индексі 0,5%, Гонконг Ханг Сенг 1,4% арзандады.
Қытайдағы акциялары ең көп құлдыраған компаниялар BYD Co. (-1,8%), Wuliangye Yibin (-1,8%) және Kweichow Mouta (-0,9%).
Гонконгта Country Garden (-4,9%), спорт тауарларын өндіруші Li Ning (-5,3%) және China Merchants Bank (-4%) бағалы қағаздары күрт төмендеді.
Австралиялық қор индексі S&P/ASX 200 акциялары 0,3%-ға арзандады. Commonwealth Bank – 0,4%, Westpac Banking – 1%, Woodside Energy – 0,3%, Santos құны қағаздарының бағасы – 0,5% төмендеді. Ал Оңтүстік Кореялық Kospi 0,4%-ға кері динамика көрсетті.
Азия-Тынық мұхиты қор индекстерінің күрт төмендеуі мұнымен аяқталған жоқ. Мәселен, микросхема өндіруші SK Hynix Inc. акциялары 0,5%-ға, Samsung Electronics – 1,2%-ға құнын жоғалтты.