Ұялы байланыс операторлары абоненттерді бет әлпеті арқылы тіркейтін болады
Қазақстанда ұялы байланыс операторлары жаңа абоненттерді тіркеген кезде ол адамнан биеометриялық деректерді яғни бәт әлпеті негізге алынатын болады.
Ашық НҚА порталында «Байланыс қызметтерін көрсету қағидаларын бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 171 бұйрығына өзгеріс енгізу туралы бұйрық жобасы жария талқыға шығарылды.
«Ұялы байланыс қызметтері Қазақстан Республикасы Азаматтық кодексінің 397-бабына сәйкес оператор мен абонент арасында жасалатын ұялы байланыс қызметтерін көрсету туралы шарт абонентпен биометриялық деректерді (адамның бейнесін) негізінде көрсетіледі. Бұл ретте Қазақстан Республикасы «Электрондық құжат және электрондық цифрлық қолтаңба туралы» Заңының 10-бабына сәйкес электрондық-цифрлық қолтаңбаны пайдалана отырып шартқа қол қоюға жол беріледі», делінген бұйрық жобасында.
Сонымен қатар, абонент шарттан біржақты бас тартуы керек болса да, операторға биометриялық деректерді (адамның бейнесін) ұсына отырып, шартты бұзу туралы өтініш жібереді. Сонымен қатар, абоненттік нөмірді көшіру үшін де биометриялық деректерді ұсына отырып өтініш беруі қажет болады.
Бұйрық негіздемесінде айтылғандай қазіргі уақытта байланыс операторлары ұялы байланыстың абоненттік құрылғыларын тіркеу кезінде абоненттерді дұрыс сәйкестендірусіз тіркеуге алатын онлайн сервистерді пайдаланады.
«Бұл проблеманы абоненттік нөмірлерге басқа адамдардың дербес деректерін тіркейтін және қаржы секторында қылмыс жасайтын алаяқтар пайдаланады. Осылайша, құқық қорғау органдарында жедел-іздестіру іс-шараларын жүргізу кезінде дұрыс ақпарат жоқ. Осы қылмыстарды минералдандыру мақсатында биометриялық сәйкестендіру арқылы абоненттерді тіркеу қажеттілігі туралы шешім қабылданды», делінген негіздемеде.
