«Самұрық-Қазына» KTZE Khorgos Gateway құрғақ портын 10 сұрыптау жолының құрылысын бастады. Қор басшысы Нұрлан Жақыпов Алматы облысындағы KTZE Khorgos Gateway құрғақ портының қайта тиеу терминалындағы бұл жоба Қазақстанның транзиттік әлеуетін 1,5 есеге арттырады деп мәлімдеді.
Нұрлан Жақыповтың айтуынша, бұл жоба терминалдың өңдеу қуаты артқан сайын, құрғақ порт жылына 540 мыңнан 800 мың контейнерге дейін қабылдауға мүмкіндік алады.
«Бұл «ҚТЖ» ҰК» АҚ-ның да, жалпы республиканың да транзиттік әлеуетін жақсартады. Құрғақ порт жүк пойыздарын қалыптастыру, таңдау, сондай-ақ оларды сақтау қызметтерін көрсете алады. Сонымен бірге бос вагондардың тапшылығы айтарлықтай азаяды», деді Жақыпов.
Осылайша порттың клиенттік базасы арта түспек. Өйткені Қытайдан Еуропа мен Орталық Азияға өсіп келе жатқан трафик үздіксіз өсуде. Бұл көрсеткіш жыл сайын 20-30 пайызға артып келеді. Сол себепті KTZE Horgos Gateway терминалының инфрақұрылымын жыл сайын кеңейтіп отыру керек болады.
