Семейде өрт салдарынан екі ай бұрын енгізілген ТЖ режимі алынады
Жарияланды
![](https://kz.kursiv.media/wp-content/uploads/2023/07/13-15-1024x576.jpg)
Семейде Абай облысындағы өрттің салдарынан екі ай бұрын енгізілген ТЖ режимін алып тастау жоспарлануда.
«Ашық НҚА» порталында 8 маусымда енгізілген Семейдегі төтенше жағдай режимін жою туралы әкімдік шешімінің жобасы жарияланды. Құжат 31 шілдеге дейін қоғамдық талқылауда болады.
Айта кетейік, 13 шілдеде «Семей орманы» қорығында 8 маусымда басталған өртті толығымен сөндірді. Тілсіз жау 14 орманшы мен бір тракторшының өмірін қиды. Өртенген учаскенің ауданы 60 мың гектарды құрады.
9 маусымда Семейде төтенше жағдай режимі енгізілді. 10 маусымда ТЖМ 14 орманшының денесі табылғанын хабарлады. Кейінірек тракторшы Сергей Архиповтың денесі табылды, ол трагедияның 15-ші құрбаны болды.
Қазақстанда 12 маусым ұлттық аза тұту күні болып жарияланды.