Ресейде сот Apple компаниясына тыйым салынған ақпаратты жоймағаны үшін айыппұл салды
Жарияланды
Мәскеудегі бейбітшілік судьясы тыйым салынған ақпаратты жоймағаны үшін Apple корпорациясына 400 мың рубль көлемінде әкімшілік айыппұл тағайындады, деп хабарлады Интерфакс агенттігі.
Тиісті қаулыны Мәскеу Таган ауданының №422 сот учаскесінің бейбітшілік судьясы Тимур Вахрамеев жариялады.
Apple жойылатын ақпаратты жоймағаны үшін кінәлі деп танылды (ӘҚБтК 13.41-бабының 2-бөлігі). Компания алғаш рет Ресей Федерациясында әкімшілік құқық бұзушылық туралы кодекстің осы бабы бойынша жауапқа тартылды.
Судья түсіндіргендей, «сот отырысында ұсынылған дәлелдерді ескере отырып» ең төменгі деңгейден аз жаза тағайындалды. Сонымен бірге, оның айтуынша, Apple-ге тағылған құқық бұзушылықты елеусіз деп тануға негіз болған жоқ.
