Hyundai мен Kia АҚШ-та өрт қаупіне байланысты 91 мыңнан астам көлікті қайтарып алмақшы

Оңтүстік Корея автомобиль өндірушілері Hyundai Motor Co. және Kia Corp. өрт қаупіне байланысты американдық нарықтан 91 773 көлік қайтарып алмақшы. Бұл туралы АҚШ ұлттық жол қозғалысы қауіпсіздігі басқармасының (NHTSA) мәлімдемесінде айтылған.

Hyundai мен Kia Motor 52 008 көлікті, соның ішінде 2023 жылғы Elantra, Sonata, Tucson және Kona модельдерін, сондай-ақ 2023-2024 жылдардағы Palisade-ді қайтарып алады.

Kia 39 765 машинаны қайтарып алуды жоспарлап отыр, олардың арасында 2023 жылғы Soul және Sportage модельдері, сондай-ақ 2023-2024жылғы Seltos көлігі де бар.

Көлік сорғысының электронды жүйесіндегі зақым қауіпті, бұл оның қызып кетуіне және соның салдарынан көліктің өртенуіне әкелуі мүмкін, деп хабарлады АҚШ ұлттық жол қозғалысы қауіпсіздігі басқармасы.

Кері қайтарып алу процесі қыркүйек айының соңында басталады. Аталған модельдердің иелері ақысыз тексеруден өтіп, қажет болған жағдайда май сорғысын ауыстыра алады.

Осы жылдың наурыз айында Hyundai мен Kia және Kia АҚШ-та 571 мыңнан астам машинаны кері қайтарып алу туралы хабарлады, себебі фаркоп сымдарының ақауларына байланысты қысқа тұйықталу қаупі бар.