Германияда COVID-19 жұқтырғандар саны күрт өсе бастады
Жарияланды
Германияда эпидемиологтар өткен айда коронавирустық инфекциялардың көбеюін тіркеді, деп хабарлайды еуропалық БАҚ COVID-19 жағдайын бақылайтын Роберт Кох институтына сілтеме жасап.
Коронавирусқа байланысты тұрғындардың дәрігерлерге жүгіну саны бір аптада 175% – ға өсті. Мәселен, осы аптада ГФР-да COVID-19-ның 2,4 мың жағдайы ресми түрде анықталды. Бұл ретте елде коронавируспен сырқаттанушылықтың жалпы көрсеткіші пандемия кезіндегі ең жоғары көрсеткіштермен салыстырғанда төмен деңгейде қалып отыр.
Медициналық қызметтер Германияның тұрғындарын күзде күшейткіш дозалармен вакцинациялауға шақырды.
Мамыр айында Дүниежүзілік денсаулық сақтау ұйымы COVID-19 коронавирусын әлемдік денсаулық сақтау үшін ерекше қауіп ретінде қарастырмайтынын хабарлады.
