![](https://kz.kursiv.media/wp-content/uploads/2023/08/shutterstock_1910520136-1.jpg)
20 тамыз «АрселорМиттал Теміртау» АҚ-да аза тұту күні болып жарияланды. Бұл туралы компанияның баспасөз қызметі хабарлады.
«АрселорМиттал Теміртау» АҚ-ның бас директоры Владимир Яблонский қаза болған әріптес-кеншілердің отбасылары, туған-туыстары мен жақындарына ұжым атынан көңіл айтып, 20 тамыз «АрселорМиттал Теміртау» АҚ-да қаралы күн болып жарияланғанын мәлім етті.
«Бұл қаза отбасылар үшін, бәріміз үшін ауыр қайғы.
Орны толмас қазаның қасіретін бөлісе отырып, қаза тапқан әріптестеріміздің отбасыларына жан-жақты көмек пен қолдау көрсетеміз. Сондай-ақ зардап шеккен барлық қызметкерлерге жан-жақты күтім мен оңалту бойынша көмек көрсетіледі.
Компания апаттың себептерін анықтап, алдағы уақытта мұндай жағдайлардың алдын алуға бар күшін салады.
20 тамыз «АрселорМиттал Теміртау»-да қаралы күн болып жарияланды»-деді «АрселорМиттал Теміртау» АҚ-ның бас директоры Владимир Яблонский.
Естеріңізге саламыз, компанияға қарасты «Қазақстан» кенішінде шыққан өрт салдарынан 5 кенші опат болған еді.
Адам өліміне әкеліп соққан компаниядағы кезекті апаттан кейін ел билігі «Арселор Миттал Теміртау» компанияның Қазақстан нарығында қалу-қалмауына қатысты тиісті шешімді жақын арада қабылдайтынын мәлім етті.