![](https://kz.kursiv.media/wp-content/uploads/2022/01/old-image-67707.jpg)
Жапонияның қорғаныс министрлігі 2024 жылы елдің әскери қажеттіліктері үшін рекордтық 53 миллиард доллар бөлуді сұрады, деп хабарлады Financial Times.
Басылымның хабарлауынша, министрлік ұсынысы 2023 жылмен салыстырғанда қорғаныс шығындарын 13% арттыруды көздейді. Бұл ретте қаржыландыру Токионың бес жыл ішінде қорғаныс шығындарын ұлғайту жөніндегі ұзақ мерзімді жоспарларына сәйкес жүзеге асырылатын болады. Атап айтқанда, бұл мақсатта шамамен 315 миллиард доллар бөлу мүмкін. Токио НАТО талаптарына сәйкес қорғаныс шығындарын ЖІӨ-нің 2%-ына дейін ұлғайтуды көздеп отыр.
Бұл жоспар жүзеге асса, жыл сайынғы қорғаныс шығындары 73 миллиард долларға жетіп, Жапония әскери бюджеті жөнінен АҚШ пен Қытайдан кейінгі әлемдегі үшінші елге айналады.
Оның ішінде, 8 миллиард доллардан астам қаржы зымыранға қарсы қорғанысты жаңғыртуға және соған байланысты технологияларды дамытуға жұмсалуы мүмкін. Сондай-ақ Токиода олар Aegis зымыранға қарсы қорғаныс жүйесімен жабдықталған жойғыш минатасығыш жасағысы келеді, алыс қашықтыққа ұшатын зымырандарды, соның ішінде америкалық Tomahawk қанатты зымырандарын (Tomahawk) сатып алуды да жоспарлаған. Жапон үкіметі Ұлыбритания және Италиямен бірлескен жаңа жойғыш қаруын жасау жобасына 500 миллион долларға жуық қаражат бөлуі де ықтимал.
Қаражаттың көп бөлігі – 21,2 миллиард доллар Жапонияның өзін-өзі қорғау күштерінің тұрақтылығын қамтамасыз етуге бағыттауды жоспарлап отыр. Оның ішінде, әңгіме оқ-дәрілерді жинақтау, жанар-жағармай қоймаларын құру, жер сілкінісіне төзімді нысандар құрылысы бар.
Сонымен қатар бұл қаражат материктік Жапония мен оңтүстік-батысқа қарай Кюсюдан Тайваньға дейін созылып жатқан Нансей аралдары арасындағы байланысты жақсартуға арналған.
Еске сала кетсек, шілде айында Жапонияның Қорғаныс министрлігі жыл сайынғы «Ақ Кітап» баяндамасын жариялады. Онда Қытай Жапония үшін «ең үлкен стратегиялық сынақ» деп жазылған.
«Бұл сынаққа Жапония АҚШ-пен, сондай-ақ басқа «пікірлес елдермен» «ынтымақтасу» арқылы жауап беруі керек», – деп жазылған құжатта.
Бұған қоса, баяндама авторлары Қытай мен Ресей арасындағы әскери байланыстың нығайып бара жатқанына алаңдаушылық білдірді.
Қорғаныс бюджетін Жапонияның қос палаталы парламенті мақұлдауы керек.