АҚШ пен Еуропа қор нарығы өсім көрсетті: оған не ықпал етті?

Фото: kursiv.media

АҚШ ​​қор нарықтары жұма күнгі саудада күрт жоғарылады. Оған ірі компаниялар акцияларының өсімі қолдауы көрсетті: Microsoft (+2,5%), Nvidia (+2,4%), Apple (+1,5%), Meta (+3,5%) және Alphabet (+1,8%) акциялары көтерілді. Бұл туралы KASE-нің қор биржасына шолуында жазылған.

Dow Jones Industrial Average 0,87%-ға, S&P 500 1,18%-ға, Nasdaq Composite 1,6%-ға қымбаттады. S&P индексіндегі 11 сектордың 10-ы жоғары көрсеткішпен жабылды. UAW осы аптада ереуіл болмайтынын хабарлағаны сол еді, GM (+1,9%) мен Ford (+3,2%) акциялары көтерілді. Exxon Mobil акциялары компания Pioneer Natural Resources компаниясын шамамен 60 миллиард долларға сатып алу мәмілесін аяқтап жатқаны туралы хабардан кейін 1,6%-ға төмендеп, Pioneer акциялары 10,5%-ға қымбаттады.

Еуропа қор нарықтары да көтерілді: DAX және Stoxx 600 индекстері сәйкесінше 1,1% және 0,8% қосты. Жұма күні технологиялық компаниялар, бөлшек сауда мен банктердің акциялары жақсы өсті, ал коммуналдық қорлар құлдырады. Philips акциялары АҚШ-тың Азық-түлік және дәрі-дәрмек басқармасы (FDA) компанияның бұған дейін кері қайтарылған респираторларын қосымша сынақтан өткізуді талап еткеннен кейін шамамен 8% төмендеді. Aviva акциялары шамамен 5% қымбаттады.

Жапон қор нарығы мерекеге байланысты дүйсенбі күні жабық.

Дүйсенбіде Қытайда және Азияның бірнеше елінде бір апталық демалыстан кейін Шанхай индексі 0,7%-ға төмендеп, 3089-ға дейін, ал Shenzhen Component 0,4%-ға төмендеп, 10070-ке жетті. China Tourism Group (-4,6%), Contemporary Amperex (-2,9%), Zhongji Innolight (-2,5%) және Kunlun Tech (-2,5%) акциялары айтарлықтай төмендеді. HWA Create (+9,8%), Anhui Jianghuai (+9,7%) және Chongqing Zhifei (+14%) күшті өсім байқатты.

Жұма күні Мәскеу биржасының индексі 0,42%-ға төмендеп, 3144,89 болды.

Ал KASE индексі 0,14 пайыз төмендеп, 4067,28 тармақты құраған.