Түркия президенті Режеп Тайып Ердоған Анкара Египеттің делдалдығымен Газа секторына гуманитарлық көмек жіберуді жалғастыратынын айтты. Бұл туралы РИА Новости хабарлады.
«Біз Мысырмен бірге Газаға гуманитарлық көмек жеткізуді жалғастырамыз. Біз барлық тараптарды алдымен атысты тоқтату, содан кейін берік бейбітшілік туралы келіссөздерге шақырамыз. Тыныштықты орнатудың орнына отқа май құятын кейбір тараптардың әрекеттері дағдарысты қиындатады. Қазіргі уақытта Газа қысымға ұшырады және құрбан болып табылады», – деді Ердоған жұмада Анкарада сөйлеген сөзінде.
